jo keh na sake wo fasana yaad aata hai

guzra hua dilkash jamana yaad aata hai

jab husn se ishq takraya tha kabhi

ghayal hua tha ek parwana yaad aata hai

dil se mohabbat ka ek tufaan uthe the

jab aankhon ka sapna sajana yaad aata hai

kasturi jaise din mehakte the

mere raaton ka gungunana yaad aata hai

aankhon ka mil kar jhuk jana nahin bhula

hothon ka thar_tharana yaad aata hai

mera usko khidkiyo se dekhna

baar baar aur uska wo muskurana yaad aata hai

raaton ko tanha yaad mein kisiki...

dhuan udata ek deewana yaad aata hai